Zaev pret Hahn: Rusia ta kuptojë, do të anëtarësohemi në NATO dhe BE (VIDEO)

Kryeministri i Maqedonisë Zoran Zaev, sërish mesazh Moskës. Rusia duhet ta kuptojë se maqedonia do të anëtarësohet në NATO dhe BAshkimin europian-tha Zaev gjatë konferencës me eurokomisionerin për Zgjerim dhe fqinjësi Johanës Hahn. Ky I fundit tha se dera e BE-së është e hapur dhe se I mbetet qytetarëve të vendosin.

Një ditë pasi akuzoi Rusinë që qëndron pas akteve të dhunës në protestat në Maqedoni dhe tentativa për të dëmtuar marrëveshjen me Greqinë, Kryeministri I maqedonisë Zoran Zaev ka dhënë një tjetër mesazh për Kremlinin, duke konfirmuar distancim nga politikat e tij. Rusia duhet të kuptojë se për Maqedoninë nuk ka alternativë tjetër përveç antarësimit në NATO dhe BE-mësohet të ketë thënë Zaev.

"Ne jemi vend i vogël, me miq do të jemi edhe më mirë, atë e dëshmuam me fqinjët dhe këtë do ta bëjmë me gjithë vendet në botë. Për këtë shkak sot është një moment i rëndësishëm historik, fillojmë procesin e bisedimeve. Maqedonia këtë e pret që nga viti 2005. Duhet të jetë motivim ky moment për të gjithë në shoqëri", tha Zaev, i cili priti eurokomisionerin Johanes Hahn.

Ky i fundit deklaroi se dera e Bashkimit Europian është e hapur për Maqedoninë, teksa e uroi për ftesën në NATO.

"Është hap i madh, pasi qytetarët do të jenë më të sigurt dhe me më shumë perspektivë. Populli i këtij vendi ka treguar durim dhe tani jeni shembull për gjithë rajonin. Tani ju mbetet juve, qytetarëve që të vendosni për të ardhmen tuaj. Dera e BE-së është e hapur, juve ju mbetet ta shfrytëzoni këtë mundësi duke marrë pjesë në referendum, sidomos të rinjtë. Është e rëndësishme të merret pjesë në referendum dhe të shfrytëzohet e drejta e votës. Bëhet fjalë për vendin tuaj dhe të ardhmen tuaj", deklaroi Hahn.

Zyrtari i lartë vuri në dukje se tashmë progesi i maqedonisë njihet edhe nga Këshilli I Europës dhe me vizitën e tij nisin përgatitjet për procesin e negociatave, një procës që sikurse tha Hahn përfshin të gjitha vendet kandidate.