Spanja do t'i dërgojë Ukrainës një bateri kundërajrore dhe raketa për herë të parë që nga fillimi i pushtimit rus në shkurt. Kështu bëri me dije Ministria e Mbrojtjes në Spanjë.
Në dërgesën me ndihma ushtarake nga Madridi do të përfshihen gjithashtu 1,000 fishekë municione artilerie fushore, një mijë tonë naftë, automjete të ndryshme të blinduara dhe 30,000 uniforma dimërore.
Spanja vazhdon të mbështesë popullin ukrainas në luftën e tyre për të mbrojtur paqen dhe lirinë kundër pushtimit rus.
Spanja do të trajnojë trupat ukrainase në funksionimin e baterisë kundërajrore dhe gjithashtu do të sigurojë trajnime për personelin e forcave ajrore ukrainase në një vend aleat, thuhet në deklaratë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
