Gazetari Robert Papa thotë se është e papranueshme që në ceremoninë e organizuar me rastin e 100-vjetorit të vendosjes së marrëdhënieve shqiptaro-amerikane mungoi Sali Berisha. Në studion e lajmeve të MCN TV, përmes një lidhjeje Skype, Papa tha se është qesharake që pasuesit e Partisë së Punës shfaqen sot si proamerikanët më të mëdhenj.
Nuk e di kush e ka organizuar, por të mungojë Sali Berisha nuk shkon. Ai ka qenë kryeministër, president. Berisha është pritur dy herë në Amerikë.
Duket qesharake që partia vazhduese e PP, antiamerikanët më të mëdhenj, që mbajnë ende simbolet komuniste, sot shfaqen si proamerikanët më të mëdhenj.
Sa i takon mesazhit të urimit të presidentit Joe Biden, Papa tha se është thjesht protokoll që ndiqet me shumicën e vendeve të botës.
Është protokoll. Stafi e ka nxjerrë të lexojë një mesazh që për mua është i shkurtër. Shpesh letra të tilla përpilohet nga desk oficer. Para ca ditësh pati një letër të tillë për Malin. Nuk është mbështetje për qeverinë, është thjesht protokoll.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
