Prodhuesi më i madh në botë i prezervativëve pret rritje të kërkesës për produktet e tij, pas lehtësimit të masave të distancimit social.
Shifrat e vaksinimit po rriten në mbarë botën, ndërsa paralelisht më shumë ekonomi vazhdojnë të lehtësojnë kufizimet dhe shoqëritë po nisin të përshtaten me jetën pas pandemisë.
Karex, i cili prodhon një në çdo pesë prezervativë në mbarë botën, raportoi një humbje prej 670 000 dollarë në tremujorin e dhjetorit. Të ardhurat ranë rreth 11%, tha prodhuesi i prezervativëve Durex.
“Masat e jashtëzakonshme që qeveritë dhe autoritetet shëndetësore në mbarë botën zbatuan gjatë pandemisë ndikuan në mënyrë drastike në industrinë e shëndetit seksual dhe pajisjeve mjekësore”, tha kompania.
Përdorimi i produkteve të kompanisë ra me 40% në dy vitet e fundit, raporton Bloomberg, duke cituar CEO, Goh Miah Kiat.
Mbyllja e hoteleve dhe qendrave të mirëqenies seksuale gjatë pandemisë, së bashku me qeveritë e ndryshme që pezulluan programet e shpërndarjes së prezervativëve, kontribuan në rënien e shitjeve të prezervativëve të Karex, sipas raportit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
