Nivelet e rrezatimit rreth centralit bërthamor të Çernobilit të kontrolluar nga Rusia nuk mund të monitorohen më, për shkak të dështimit të sistemeve.
Kështu ka paralajmëruar kompania shtetërore bërthamore e Ukrainës.
Në një deklaratë të publikuar të hënën, “Energoatom” tha se një gjë e tillë mund të ketë pasoja ndërkombëtare.
Nuk ka të dhëna për gjendjen aktuale të ndotjes nga rrezatimi të mjedisit të zonës, gjë që e bën të pamundur përgjigjen adekuate ndaj kërcënimeve. Nivelet e rrezatimit në zonën përrreth dhe më gjerë, duke përfshirë jo vetëm Ukrainën, por edhe vendet e tjera, mund të përkeqësohen ndjeshëm.
“Energoatom” shprehu gjithashtu shqetësimin për zjarret në pyje, pasi shërbimi i zjarrfikësve të zonës nuk është në gjendje të punojë për momentin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
