Duam që ta largojmë Trump nga Presidenca! Ish-Presidenti flet për skandalin e CNN

Donald Trump ka akuzuar CNN për kryerjen e një 'shkelje të fushatës' pasi një drejtor teknik i kamerave pranoi se qëndronin kundër presidencën e tij. Ish-Presidenti foli për “Fox News” dhe u pyet se çfarë mendonte për një goditje të kryer nga Project Veritas, një grup vëzhguesish konservator.

Një reportere e fshehtë u takua me operatorin e CNN përmes një aplikacioni takimesh dhe më pas e filmoi atë duke diskutuar qasjen e rrjetit mediatik.

Në një klip, drejtori teknik, Charlie Chester, i tregon fokusin e CNN që të hiqte Trump nga presidenca.

“Kjo është një shkelje e fushatës. Ajo që ata po bëjnë është një shkelje masive e fushatës. Kur shikon se çfarë bënë ata”, tha Trump, duke e përshkruar punën e Project Veritas si 'të pabesueshme'.

Trump, i cili ka qenë në luftë me kompanitë e mediave sociale që kur u hoq nga platformat e tyre pas trazirave të janarit në Kapitol, bëri thirrje për më shumë rregullime të operacioneve të tyre.

Ai tha se ata ishin të njëanshëm ndaj demokratëve dhe kishin nevojë për më shumë kontroll.

"Ata duhet të jenë të fortë dhe nuk mund të dominohen nga Amazon, Google dhe njerëz që mund t'i eliminojnë menjëherë. Ju duhet antitrust. Ju duhet të bëni diçka për këtë. Me të gjitha gjërat që thatë, shikoni, demokratët gënjejnë, mashtrojnë dhe vjedhin. Ata janë të mbrapshtë”, tha Trump.

Tëitter u akuzua për mbrojtjen e CNN pasi themeluesit të ‘Project Veritas’, James O'Keefe iu mbyll profili në 15 prill, një ditë pasi ai publikoi një ekspozim të turpshëm.

O'Keefe, 36 vjeç, tani është zotuar të padisë gjigantin e teknologjisë pasi e akuzoi atë për përdorimin e llogarive të rreme.

Një ditë para se të ndalohej, ai kishte publikuar një tjetër klip të turpshëm të drejtorit të kamerës të CNN, Chester, në një takim në Tinder me një gazetar të fshehtë duke diskutuar qëndrimet e punëdhënësit të tij ndaj Trump dhe Matt Gaetz.