Supersfida e Kategorisë së Parë, mes Elbasanit dhe Bylisit, nuk prodhoi fitues, ndonëse u shënuan katër gola.
Ndeshja u mbyll në barazim 2-2, që i bën punë ballshiotëve, që mbeten të shkëputur në krye.
Greca zhbllokoi sfidën në minutën e 26-të, duke i dhënë avantazhin Elbasanit, me rezultatin që nuk ndryshoi deri në fund të pjesës së parë.
E dyta nisi me Bylisin më kërkues, që ia doli të përmbysë rezultatin me dy gola të Kibe në minutën e 57-të dhe Camara në minutën e 64-t.
Verdheblutë nuk u dorëzuan dhe barazuan shifrat me Telushin në minutën e 71, por vetëm kaq, pasi goli i fitores mungoi, ndonëse rastet ishin të shumta.
Me këtë barazim, Bylis mbetet në vendin e parë me 39 pikë, ndërsa ndjek Elbasani me 36 pikë, pas 16 javëve kampionat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
