Një zyrtar nga Zyra e Drejtorit të Inteligjencës Kombëtare amerikane deklaroi të hënën se Rusia, Kina, Kuba dhe Irani kanë “intensifikuar përpjekjet për të ndërhyrë” në zgjedhjet presidenciale dhe në Kongresin amerikan, njoftuan mediat amerikane.
“Paralajmërimi thekson kërcënimin që dezinformimi në internet paraqet edhe për zgjedhjet shtetërore dhe lokale,” shkruan Associated Press.
Agjencia raporton se, sipas inteligjencës amerikane, Rusia po përpiqet të “minojë mbështetjen për kandidatët e Kongresit që mbrojnë ndihmën për Ukrainën”.
CNN pretendon se sipas inteligjencës amerikane, Rusia po përpiqet përsëri të promovojë kandidaturën e Donald Trump.
AP shkruan se Kina po synon kandidatët nga të dyja partitë bazuar në pozicionet e tyre për çështjet me rëndësi kyçe për Pekinin, përfshirë mbështetjen për Tajvanin.
Në të njëjtën kohë, sipas CNN, Kina nuk bëri asnjë përpjekje për të ndikuar në luftën midis ish-presidentit Donald Trump dhe zëvendëspresidentes Kamala Harris.
Inteligjenca amerikane akuzon qeverinë kubane për drejtimin e një operacioni i cili synon promovimin e kandidatëve që ajo beson se do të përmirësojë marrëdhëniet me ishullin, si për shembull duke lehtësuar sanksionet ekonomike.
Irani, siç thuhet në materialin e AP, kundërshton rizgjedhjen e Trump sepse beson se ai “mund të rrisë tensionet midis Uashingtonit dhe Teheranit” duke preferuar kandidaturën e Harris.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
