Përplasje në distancë mes aktorit Jon Voight dhe vajzës së tij Angelina Jolie, ish-e dërguara speciale e OKB-së për refugjatët, e cila pak ditë më parë dënoi reagimin e Izraelit ndaj sulmeve terroriste të Hamasit më 7 tetor, të cilat shkaktuan vdekjen e shumë civilëve.
84-vjeçari Voight i përgjigjet me një video në Instagram së bijës.
“Jam shumë i zhgënjyer që vajza ime, si shumë të tjerë, nuk e kupton nderin e Zotit, të vërtetat e Zotit”, thotë ai duke folur para kamerës me flamurin amerikan në sfond.
Prandaj ai shton se është i zhgënjyer veçanërisht nga fakti që vajza e tij nuk e kupton, sipas tij, objektivin e Hamasit për “asgjësimin e tokës së hebrenjve”.
Ushtria izraelite duhet të mbrojë tokën e saj, popullin e saj. Kjo është luftë.
Nuk do të jetë ajo që mendon e majta, situata nuk mund të jetë civile në këto kushte.
Pozicioni i tij është shumë i ashpër dhe ka një vizion shumë të qartë të arsyeve të Izraelit, të cilat ai i argumenton për më shumë se tre minuta në video.
Deri në pikën që i kërkon vajzës së tij të rivlerësojë mendimin e saj për rolin e Izraelit në luftë.
Voigh lavdëron “heroizmin e madh” të popullit hebre, përballë shumë tragjedive gjatë historisë, nga Holokausti e deri te “Holokausti” i fundit i Hamasit.
Babai i Jolie më pas drejton gishtin nga Hamas dhe terrorizmit që ka sulmuar fëmijët e pafajshëm, baballarët, nënat, gjyshërit.
Dhe ju budallenj, mendoni se problemi është Izraeli. Ju duhet të pyesni veten: Kush jam Unë? Ju duhet të pyesni Zotin nëse jeni duke mësuar të vërtetën apo gënjeshtrën.
Ai që e di të vërtetën e di se çfarë është gënjeshtra. Këto kafshë, duan të eliminojnë hebrenjtë dhe të krishterët.
Palestinezëve nuk u janë mohuar burimet, ata kanë marrë lumenj parash që Hamasi nuk i ka ndarë me njerëzit.
Ata i përdorin paratë për armë, sepse urrejnë. Populli i Izraelit e do njëri-tjetrin.
Kjo është diçka që këto kafshë nuk e kuptojnë. Drejtësia do të mbizotërojë.
Pse Jolie nuk mban mbiemrin e të atit
Një nga pyetjet që bëjnë shpesh fansat e Angelina Jolie është se pse ajo nuk mban mbiemrin e babait të saj, aktorit të njohur Jon Voight. Përgjigja lidhet me marrëdhënien e vështirë mes të dyve, e cila ka pasur ulje-ngritje ndër vite.
Angelina Jolie lindi në 1975 në Los Angeles, vajza e Jon Voight dhe Marcheline Bertrand, të dy aktorë. Prindërit e saj u ndanë kur ajo ishte vetëm një vjeç e gjysmë dhe Angelina u rrit me nënën dhe vëllain e saj James. Jolie që në vegjëli nuk ka patur shumë kontakte me të atin, i cili e takonte vetëm në mënyrë sporadike. Në moshën 13-vjeçare, ajo vendosi të ndryshojë ligjërisht emrin e saj në Angelina Jolie Voight, duke shtuar mbiemrin e nënës.
Ndarja e fundit mes Angelinës dhe Jon ndodhi në vitin 2002, kur aktori dha një intervistë në të cilën deklaroi se vajza e tij kishte “probleme serioze emocionale” dhe se kishte nevojë për ndihmë.
Angelina u ndje e tradhtuar dhe e lënduar nga fjalët e babait dhe vendosi të ndërpresë lidhjet me të. Gjithashtu, ajo i kërkoi gjykatës të heqë mbiemrin Voight nga emri i saj, duke u bërë thjesht Angelina Jolie.
Që atëherë, të dy kanë pasur disa momente të shkurtra afrimi, por asnjëherë një pajtim të vërtetë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
