Një aksident i rëndë ka ndodhur mëngjesin e sotëm në autostradën Fier-Lushnje.
Një mjet tip “Renault” me targë AA468PY, i cili drejtohej nga shtetasi F.N., ka dalë nga rruga rreth orës 05:40 dhe ka përfunduar në kanal. Viktimat janë 61 dhe 54 vjeç, të dy me banim nga Tirana.
61-vjeçari F. N. u dërgua në spital në gjendje të rëndë dhe në orën 07:25 ndërroi jetë.
“Me gjithë vështirësitë e vendit dhe dëmtimit të rëndë të mjetit, shërbimet e policisë, ato të zjarrfikëses dhe urgjenca e spitalit kanë bërë të mundur nxjerjen nga makina të të dy shtetasve të aksidentuar. Paraprakisht dyshohet se shofer ishte shtetasi F.N, 61 vjeç, banues në Tiranë, i cili u dërgua në Spitalin Rajonal Fier në gjendje të rëndë dhe në orën 07:25 ndërroi jetë. Ndërsa pasagjer ishte shtetasi P.Z, 54 vjeç, banues në lagjen “Myslym Shyri”, Tiranë, i cili ka ndërruar jetë në vendngjarje”, sqaron policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
