Një kuti me 15 qershi të çmuara japoneze u shit në ankandin e parë të sezonit për 500 mijë jen, ekuivalente me 3200 euro, në prefekturën veriore të Aomorit, një shenjë e favorshme për fermerët vendas, megjithëse më e ulët se çmimi i paguar në 2022. Qershitë “Juno heart” njihen për përmasat më të mëdha dhe për të përmbushur standardet duhet të kenë një diametër më shumë se 2.8 cm dhe të kenë një përmbajtje sheqeri prej 20%. Ankandi, i cili u mbajt në tregun komunal me shumicë, arriti një çmim “festues” prej mbi 33 mijë jen, rreth 212 euro, për qershi, nga 255 vitin e kaluar. Qershitë e quajtura “Rrahjet e Zemrës Aomori”, përdoren si një dhuratë e çmuar falë pamjes së tyre në formë zemre dhe aromës së konsideruar të paarritshme. Që nga dërgesa e parë katër vjet më parë, prodhimi është rritur në mënyrë të qëndrueshme, me 114 kuti në ankand këtë vit, tha kooperativa e rajonit, më shumë se dyfish nga viti i kaluar. Fituesi i ankandit është pronari i një dyqani të ëmbëlsirave lokale, i cili do t’i përdorë ato për ëmbëlsira që variojnë nga 1500 deri në 8000 jen (rreth 10-50 euro), të cilit duket se nuk i interesojnë marzhet e fitimit, sipas mediave lokale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
