Engjëll Agaçi ka dhënë dorëheqjen nga posti i Sekretarit të Përgjithshëm të Këshillit të Ministrave pas 13 vitesh. Prej një kohe të gjatë, Agaçi ka pasur probleme me drejtësinë dhe është thirrur në SPAK për disa çështje që janë në hetim nga Prokuroria e Posaçme.
Deputetja e PD-së, Ina Zhupa, në një intervistë për edicionin e lajmeve në MCN TV, tha se dosja ndaj Agaçit ka avancuar kaq shumë, saqë kryeministri Rama nuk ka më mundësi ta mbrojë përpara SPAK dhe po e "lëshon".
Thirrjet e shpeshta të tij në SPAK tregojnë se po i afrohet ngritja e një akuze.
Jam e bindur se ka një lidhje të drejtpërdrejtë midis Edi Ramës dhe SPAK, por nuk mendoj se ai është i zhveshur nga influenca e kryeministrit.
Ky proces mund të jetë një tentativë për të shmangur lajmet ndërkombëtare që mund të shkaktojnë tronditje, duke e paraqitur si një aferë të lidhur me kryeministrin.
Deputetja Zhupa shtoi se kësaj i shtohet edhe dosja për çështjen e inceneratorëve, ku edhe në Komisionin Hetimor ka pasur shkresa të Agjencisë së Prokurorisë Publike, të cilat i janë drejtuar drejtpërdrejtë Ëngjëll Agaçit.
Ato shkresa tregojnë se procesi nuk ka shkuar siç duhej, dhe shumë vendime të rëndësishme janë marrë pa marrë parasysh kundërshtimet e anëtarëve të kabinetit.
Sot, dosja është dorëzuar dhe është avancuar aq shumë, është ‘mavijosur’ saqë tani nuk ka mundësi që Edi Rama ta mbrojë më Agaçin para SPAK, ashtu siç e ka mbrojtur për kaq shumë vite.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
