Dëshironte prej kohësh që të kishte buzë mishtore, kështu që vendoi t’i nënshtrohej një trajtimi estetik, por diçka shkoi keq dhe ajo rrezikoi jetën.
Sasha Grant është një vajzë 22- vjeçare nga Isle of Man, e cila i’u nënshtrua një trajtimi shumë të veçantë të quajtur “Goja e hirushes”.
Fillimisht dukej shumë e kënaqur me efektet e arritura, por pas seancës së dytë, gjërat nisën të përkeqësohen.
Sasha tregon për ‘Daily Mail’, se ndjeu një si shpërthim në buzën e poshtme dhe pak më vonë edhe në atë të sipërme. Por ajo mendonte se ishte një efekt normal i trajtimit, deri në momentin që nisi që t’i enjtej e gjithë fytyra.
Nga buzët nisi që t’i dilte qelb dhe rrezikoi të vdiste për shkak të reaksionit alergjik të shkaktuar nga produkti që i kishin injektuar.
Vajza qëndrioi e shtruar pesë ditë në spital, deri kur situata nisi të përmirësohej.
Mjekët mbetën të shokuar nga gjendja e vajzës, duke thënë se mund të vdiste.
“Mendova se të paguash 150 sterlina për një injeksion, ishte punë me leverdi”, thotë e reja. Tashmë që ka kaluar një vit nga eksperienca e rëndë, Sasha duket e shëruar plotësisht ndonëse herë pas here ndjen kruajtje në pjesën e buzëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
