“Arrest me burg” ka caktuar Gjykata e Durrësit për dy të arrestuarit lidhur me vrasjen e Ermir Dedjas, krim i ndodhur më 20 maj.
Klodian Berisha dhe Erion Ndoni do të qëndrojnë në qeli në vijim të hetimeve ndaj tyre.
Ata akuzohen se kanë kontrabanduar në Shqipëri automjetin që u përdor nga autorët e vrasjes së 29-vjeçarit, si edhe një makinë tjetër që dyshohet se do të përdorej për një ngjarje tjetër kriminale.
Gjykata vendosi vleftësimin e ligjshëm të ndalimit të datës 34 qershor të personave nën hetim Erion Ndoni dhe Klodian Berisha, të dyshuar për kryerjen e veprës penale “Kontrabanda me mallra të tjerë”
Gjithashtu policia shpallur në kërkim 33-vjeçari Xhuljano Dyrmishi, banues në Durrës, për veprat penale “Sigurimi i kushteve dhe mjeteve materiale për të kryer vrasje” dhe “Kontrabanda me mallra të tjera”.
Tre të akuzuarit dyshohet se në bashkëpunim me njeri-tjetrin, kanë kontrabanduar në Shqipëri 2 automjete tip “Seat”, njëri prej të cilëve është shitur dhe më pas është përdorur gjatë vrasjes së Ermir Dedjas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
