Votuesit francezë votuan sot në raundin e parë të zgjedhjeve presidenciale pas një fushate të lënë në hije nga pushtimi rus në Ukrainë. Shifrat tregojnë një interes të lartë nga ana e francezëve, të cilët deri në orën 17:00 kanë shkuar në kutitë e votimit në masën 65% e atyre me të drejtë vote, Megjithatë, krahasuar me katër vjet më parë, kjo shifër është pak më e ulët.
Njëmbëdhjetë kandidatë janë në garë. Alternativat janë të ndryshme: nga një i ekstremit të majtë, deri tek kandidatët kundër imigracionit në të djathtën ekstreme – përballë presidentit aktual, Emmanuel Macron, i cili kërkon të bëhet presidenti i parë francez që merr një mandat të dytë që nga Zhak Shiraku në 2002. Dy kandidatët që do të marrin më shumë vota do të kualifikohen për raundin e dytë dhe të fundit të zgjedhjeve më 24 prill.
Fuqia blerëse dhe lufta në Ukrainë kanë ngritur në krye shqetësimet e votuesve në pjesën e fundit të një fushate jashtëzakonisht të nënshtruar, e cila është lënë në hije kryesisht nga shpërthimi i luftës. Rreth 48.7 milionë njerëz janë të regjistruar për të votuar, megjithëse sondazhet kanë paralajmëruar se një në katër votues do të qëndrojë indiferent.
Kutitë mbyllen në orën 20:00 në Paris dhe qytete të tjera. Deri atëherë, mediave franceze u ndalohet të citojnë kandidatë ose të publikojnë sondazhe për t'u siguruar që të mos ndikojnë në mënyrë të padrejtë te votuesit.
Megjithatë, sondazhet para ditës së zgjedhjeve favorizojnë Macron për një mandat të dytë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
