Një grua nga Singapori, e infektuar me Covid-19 në mars kur ishte shtatzënë, ka sjellë në jetë një fëmijë që i kishte të zhvilluar antitrupat. Rasti ofron të dhëna të reja në lidhje me kalimin e virusit nga nëna te fëmija.
Foshnja lindi këtë muaj pa COVID-19, por me antitrupa.
"Mjeku im dyshon se unë i kam transferuar antitrupat e mia COVID-19 tek ai gjatë shtatzënisë time", i ka thënë Celine Ng-Chan gazetës “Strait Times”.
Ng-Chan ka kaluar një formë relativisht të lehtë të virusit dhe u largua nga spitali pas dy javësh e gjysmë.
Organizata Botërore e Shëndetësisë thotë se nuk dihet ende nëse një grua shtatzënë me COVID-19 mund ta kalojë virusin tek fetusi ose foshnja e saj gjatë shtatzënisë ose lindjes.
Deri më sot, virusi aktiv nuk është gjetur në mostrat e lëngjeve përreth foshnjës në mitër ose në qumështin e gjirit.
Mjekët në Kinë kanë raportuar zbulimin dhe rënien me kalimin e kohës të antitrupave COVID-19 në foshnjat e lindura nga gratë me Covid, siç thuhet në një artikull të botuar në tetor në revistën “Emerging Infection Diseases”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
