“Fëmijët e tij nuk më lanë t’i them lamtumirë”. Janë këto fjalët e Hiromi Rollin, partnerja dhe asistentja e fundit e legjendës së kinematografisë franceze Alain Delon, i cili vdiq të dielën në moshën 88-vjeçare.
Gruaja japoneze 66-vjeçare ka qenë në krah të aktorit për më shumë se 30 vjet, por fëmijët e Delon, Anthony, Anouchka dhe Alain-Fabien, nuk e kanë pranuar kurrë, madje e kanë akuzuar për shfrytëzim të babait të tyre dhe keqtrajtim të kafshëve të tij.
“Jam e shkatërruar”, tha Rollin për Le Figaro.
Ne e deshëm njëri-tjetrin për mbi 30 vjet dhe jetuam së bashku për 17. Unë u ndava prej tij padrejtësisht dhe dhunshëm.
Në muajin mars ai më dërgoi një mesazh duke më kërkuar të shkoja ta shihja sepse ndihej i vetmuar.
Alain dhe Hiromi u takuan në vitin 1992 në xhirimet e filmit “Kthimi i Casanova”, ku ajo ishte asistente e prodhimit.
Mes tyre lindi menjëherë shkëndija, pavarësisht se aktori kishte një lidhje me Rosalie Van Breemen, nënën e Anouchka dhe Alain-Fabien Delon.
Ndërsa Anthony Delon lindi nga lidhja e aktorit me Nathalie Delon, e cila vdiq në vitin 2021.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
