Opozita duket se do të ndryshojë strategjinë e saj në Kuvend. Gazetari Mariglen Kume në një raportim për Mcn Live bën me dije se demokratët pritet t’i përmbahen rendit të ditës, dhe të bëjnë denoncime, për të mos i dhënë shkas socialistëve për të mbyllur pa debat seancën.
“Demokratët kanë dalë në një konkluzion që t’i referohen rendit të ditës, që të mos i japin shkak PS-së që të mbyllë seancën pa debat. Opozita ka dalë në konkluzionin që një opozitë normale duke denoncuar me fakte dhe prova është më efektive. Në këtë seancë ka një strategji tjetër nga PD, t’i përmbahen rendit të ditës dhe të lëshojnë të gjitha gjetjet e tyre. Sot do ketë diskutime dhe më pas do kalojnë për votim ndryshimet për ligjin e menaxhimit të mbetjeve. Në rendin e ditës është edhe raportimi nga institucionet e pavarura”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
