Aleanca për Mbrojtjen e Teatrit kërkon nga presidenti i Republikës, Ilir Meta të mos dekretojë buxhetin e 2021, i miratuar nga mazhoranca në parlament.
Me anë të një kërkesë , që e disponon edhe TvT, artistët kërkojnë nga kreu i shtetit mos dekretimin e ligjit “Për buxhetin e shtetit 2021”, pasi e cilësojnë antikushtetues dhe të votuar mbi bazën e një vendimi korruptiv dhe klientelist nga komisioni i Ekonomisë, për të cilën Aleanca ka bërë padi edhe në SPAK .
Po ashtu artistët i janë drejtuar edhe Kontrollit të Lartë të Shtetit që të kryejë një auditim, lidhur me procedurën e ndjekur nga Komisioni i Ekonomisë për miratimin e huasë nga buxheti i shtetit prej 36 mln euro, hua e kërkuar nga Bashkia e Tiranës për ndërtimin e Teatrit të ri Kombëtar.
Duke qenë se kjo për artistët vë në rrezik buxhetin e shtetit, ata i kërkojnë kreut të KLSH-së, Arben Shehu të kallëzojë penalisht në SPAK të gjithë zyrtarët e dyshuar në këtë aferë korruptive.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
