Gjyqi nga Adriatik Llallës do të rihapet nga e para. Mësohet se është revokuar gjykimi i shkurtuar me kërkesë të Llallës dhe do fillojë gjykim i zakonshëm nga e para.
Seanca tjetër është caktuar për në datën 20 prill, ora 9 paradite. Llalla ka deklaruar se ‘Gjykata do të dalë me një njoftim, çështjen do e ndjek deri në fund’.
Llalla akuzohet për disa veprat penale që përfshijnë "Refuzim për deklarim, mos deklarim, fshehje ose deklarim i pasurive, interesave privat të personave të zgjedhur dhe nënpunësve publik ose i çdo personi tjetër që ka detyrim ligjor për deklarim" në tre raste. Adriatik Llalla u hetua edhe pastrimin për pastrimin e parave, por në finale ai u dërgua për gjykim vetëm për fshehje të pasurisë.
Ish-Kryeprokurori Adriatik Llalla në Gjykatën e Posaçme
Ish-Kryeprokurori Adriatik Llalla ka shkuar këtë të premte në Gjykatën e Posaçme, aty ku zhvillohet seanca gjyqësore në ngarkim të tij. Kjo ishte hera e parë që Llalla paraqitej në gjyq, ndërsa këtë seancë bashkë me avokatin e tij, ai pritet të bëjë mbrojtjen ndaj akuzës së ngritur nga organi i akuzës për deklarim të rremë të pasurisë.
Prokuroria e Posaçme Kundër Korrupsionit dhe Krimit të Organizuar ka kërkuar 2 vite burg për Llallën, i cili akuzohet për veprën penale të “deklarimit të rremë të pasurisë”. Por për shkak të gjykimit të shkurtuar, atij i ulet 1/3 e dënimit, çka do të thotë se SPAK kërkoi 1 vit e 4 muaj burg. Prokuroria ka kërkuar edhe dënim plotësues, që për 5 vite Adriatik Llalla të mos ushtrojë asnjë funksion publik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
