1.7 milion shqiptarë apo 60 përqind e popullsisë së vendit duan të ikin nga Shqipëria. Ky është përfundimi në të cilin ka arritur kompania e njohur e sondazheve “Gallup”.
60 përqind e shqiptarëve apo 1.7 milion shqiptarë duan të largohen nga Shqipëria. Ky është përfundimi në të cilin ka dalë kompania e njohur e sondazheve “Gallup”, sipas të cilit, Shqipëria është vendi i katërt në botë, prej të cilit njerëzit dëshirojnë të emigrojnë. Tri vendet e tjera me prirjen më të lartë për emigracion janë Sierra Leone, Liberia dhe Haiti.
Në sondazhin e publikuar të Gallup për potencialin e migracionit neto tregohet në përqindje për largimin e trurit dhe largimin e të rinjëve. Sipas këtyre tabelave, në Shqipëri duan të largohen më tepër se 50 përqind e trurit dhe 25 përqind e të rinjve.
Në zgjedhjet vendore të vitit 2017, në Shqipëri votuan 1.613.975 njerëz, afërsisht sa numri i njerëzve që duan të lenë vendin. Sondazhi i “Gallup” është realizuar pas intervistave të kryera me rreth gjysmë milioni të rritur në 152 shtete në periudhën 2015-2017. Gallup përllogariti se sa do të përfitonte apo humbte një shtet nga popullata e saj e rritur mbi 18 vjeç, duke zbritur ata që kërkojnë të shpërngulen dhe duke shtuar ata që kërkojnë të vijnë në një shtet.
Në sondazhin e mëparshëm të Gallup pas vëzhgimeve të kryera në periudhën 2013-2016, 56 përqind e njerëzve në Shqipëri dëshironin të emigronin, gjë që do të thotë, se dy-tre vite më pas, janë 4 përqind më tepër njerëz, që duan të lenë Shqipërinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
