Gara për President në Shtetet e Bashkuara të Amerikës po prodhon viktimat e para. Dhe nuk bëhet fjalë për një peshë të lehtë por për pinjollin e familjes që ka nxjerrë dy presidentë, ish-Guvernatorin e Floridas, Jeb Bush.
Ikja e Bushit u provokua nga fitorja e fuqishme brenda republikanëve e miliarderit Donald Trump i cili doli sërish i pari në Karolinën e Jugut. Bush fitoi vetëm 8% ndaj u tërhoq në fund.
"Njerëzit u përcaktuan në Iowaa dhe New Hampshire, dhe tani edhe në Karolinën e Jugut. Për shkak të përcaktimit të zgjedhësve sot do të përmbyllë fushatën time dhe do të tërhiqem nga zgjedhjet" - deklaroi nga ana e tij, Jeb Bush.
Bush më parë në Iowa fitoi vetëm 2.8% të votave, dhe në New Hampshire 11%, kurse pas rezultatit të dobët në Karolinën e Jugut tha se SHBA-të kanë nevojë për një President të fortë me mbështetje të madhe dhe se një të tillë mund të ofrojë vetëm Partia Republikane.
Në garën për kanditat për president nga radhët e republikanëve kanë mbetur pesë kandidatë. Në avantazh të lehtë është miliarderi Donald Trump, senatori nga Teksasi Ted Cruz, senatori Marco Rubio nga Florida, Guvernatori i Ohio-s John Kasich dhe neurokirurgu i njohur Ben Carson.
Ndërkaq nga kampi demokrat, Hillary Clinton fitoi në Nevada por me vështirësi ndaj socialdemokratit Sanders. Senatori i majtë nga Vermonti tha se rezultati i tij tregon se ai është kompetitiv kudo nëpër Amerikë.
Pas dy ditësh janë votimet e "super të martës" ku në të dyja partitë votohet në shumë shtete. Gjithashtu rezultatet e së martës do të vendosin më pas se ku do të shkojë vota.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
