Këngëtari shqiptar Shpat Kasapi dyshohet se është arrestuar një muaj më parë me një sasi lëndë narkotike, e dyshuar kokainë. Mediat maqedonase shkruajnë se gjatë një kontrolli të ushtruar nga policia, Kasapi është kapur me dy doza të vogla me lëndë narkotike.
Ngjarja ka ndodhur një muaj më parë, në lagjen “Gjorce Petrov”, në afërsi të “SP PLANET”.
Ndërkohë, menaxherja për marrëdhëniet me publikun të këngëtarit Shpat Kasapi, është shprehur se nuk është në dijeni të rastit dhe se nuk mund të prononcohet lidhur me çështjen.
Ndërkohë, reagime nuk ka patur as nga vetë këngëtari Shpat Kasapi.
Sakaq, pas publikimit të këtij lajmi, këngëtari ka reaguar nëpërmjet një “Instastory” në Instagram. Sipas tij, ai ndodhet në Tiranë dhe e ka thënë se të gjitha janë shpifje. “Në Tiranë për qejf, ju më nxorët në burg. Ju përshëndes dhe faleminderit për shpifjet”, shkruan ai.
Mediat shqiptare në Maqedoni kanë raportuar ditën e sotme se këngëtari Shpat Kasapi, i cili mban gjithashtu postin e këshilltarit të zëvendëskryeministrit të Maqedonisë së Veriut Artan Grubi, është kapur me drogë të llojit kokainë në Maqedoninë e Veriut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
