Një vajzë 17-vjeçare u shpëtua mëngjesin e së enjtes nga rrënojat e një ndërtese në provincën jugore të Kahramanmaras, 248 orë pas tërmetit vdekjeprurës që goditi Turqinë.
Alaina Elmez, mbiemri i së cilës do të thotë “ajo që nuk vdes”, është ndër të paktat e mbijetuara që gjenden në rrënojat e ndërtesave që u shembën nga tërmeti 7.8 ballë, pavarësisht se kanë kaluar dhjetë ditë dhe në zonë mbizotëron i ftohti.
Adoleshentja ishte e vetëdijshme në kohën kur ekipet e shpëtimit e nxorën nga rrënojat.
Vullnetarët, kryesisht minatorët që kanë mbërritur në zonat e prekura nga pjesë të ndryshme të Turqisë, janë ende në kërkim të të mbijetuarve në rrënoja.
Minatori Ali Akdogan tregoi se:
Të gjithë minatorët do t’ju thonë të njëjtën gjë. Ne erdhëm këtu me shpresën për të zbuluar një tingull që vjen nga një i mbijetuar.
Edhe nëse zëri vjen nga një mace, ne do të përpiqemi ta shpëtojmë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
