SHBA, 120 milionë dollarë për të pastrehët e Nju-Jorkut

120 milionë dollarë për të ndihmuar të pastrehët janë vënë në dispozicion në kuadër të  nismës së ndërmarrë nga kryetari i bashkisë së Nju-Jorkut të SHBA-së, Bill de Blasio, i cili ka premtuar t'i japë fund problemit të të pastrehëve atje

“Ne do të bëjmë diçka që asnjë qytet tjetër nuk ka bërë ndonjëherë. Është koha për të shkuar atje ku nuk kemi shkuar kurrë dhe të ndihmojmë vëllezërit tanë "të pastrehë”, është shprehur De Blasio.

Plani parashikon investimin e 120 milionë dollarëve vitin e ardhshëm për krijimin e 1 000 apartamenteve të reja për ata që jetojnë në rrugë. Fondet do të përdoren gjithashtu për ndërtimin e 1000 strehimoreve me shtretër në dispozicion për ata që janë në nevojë. Njoftimi pason incidentin e dy muajve më parë kur një i pastrehë vrau katër persona të pastrehë që  po flinin në rrugë.