Kërcënoi dhe goditi 39-vjeçaren, shpallet në kërkim shtetasi

Një 37-vjeçar nga Vlora me inicialet I.Sh., është shpallur në kërkim pasi dyshohet se kërcënoi dhe goditi me send të fortë një 39-vjeçare.

Dyshohet se ngjarja ka ndodhur për motive të dobëta.

Në njoftim thuhet:

Specialistët për Hetimin e Krimeve të Komisariatit të Policisë Vlorë referuan materialet në Prokurori dhe shpallën në kërkim shtetasin I. Sh., 37 vjeç, banues në Vlorë, pasi ditën e djeshme, në lagjen “Isa Boletini”, dyshohet se për motive të dobëta, ka kanosur dhe ka goditur me një send të fortë në kokë, shtetasen E. K.(D), 39 vjeçe, banuese në Vlorë. Gjithashtu, dyshohet se ky shtetas e ka përndjekur 39-vjeçaren, për disa ditë. Shërbimet e Policisë vijojnë kërkimet për kapjen e shtetasit I. Sh”.