Sekretari amerikan i Shtetit, Antony Blinken, ka mbështetur me anë të një postimi në Twitter, urdhrin ekzekutiv të presidentit të SHBA-ve, Joe Biden, mbi “Bllokimin e pasurive dhe ndalimin e hyrjes në SHBA, të personave kontributorë në destabilizimin e situatës në Ballkanin Perëndimor”.
‘Jemi të përkushtuar në promovimin e demokracisë”, shkruan Blinken në Twitter. “Transparencë dhe besueshmëri në gjithë Ballkanin Perëndimor”.
Sipas sekretarit, duhet qëndrueshmëri në standardet që vendet ballkanike ndjekin për të vijuar me rrugëtimin e tyre drejt bashkësisë evropiane.
“Urdhri i sotëm, është një mjet jetësor për të arritur qëllimet tona të përbashkëta”, përmbyll Blinken.
Shtëpia e Bardhë ka publikuar dje një vendim të presidentit amerikan Joseph Biden, sipas të cilit kushdo nga zyrtarët e Ballkanit Perëndimor që nuk i respekton disa prej marrëveshjeve të arritura në tre dekadat e fundit do të futet në listë të zezë.
Ky urdhër përfshin ish-vendet e Republikës Jugosllave dhe Shqipërinë. Sipas Biden-it, gjatë dy dekadave të fundit ka pasur minim të marrëveshjeve, institucioneve, korrupsion brenda qeverive dhe institucioneve. Këto, kërcënojnë sigurinë kombëtare dhe politikën e jashtme të SHBA-ve.
Përmes një urdhri ekzekutiv, ai ka vendosur që t’u bllokohet prona dhe t’u pezullohet hyrja në Shtetet e Bashkuara të Amerikës të gjithë atyre që kontribuojnë në destabilizimin e situatës në Ballkanin Perëndimor.
Tashmë, urdhri i Joe Biden, është një paralajmërim i radhës për Ballkanin. Kryesisht, për zyrtarët e hamendësuar si të inkriminuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
