Putin: Po luftojmë për njerëzit tanë në Ukrainë

Presidenti rus Vladimir Putin thotë se Rusia po lufton për mbijetesën e “shtetësisë” së saj në Ukrainë..

Për ne, kjo nuk është një detyrë gjeopolitike, por detyrë e mbijetesës së shtetësisë ruse, e krijimit të kushteve për zhvillimin e ardhshëm të vendit dhe fëmijëve tanë.

Deklarata e Putin u bë në një bisedë me punëtorët në një fabrikë në industrinë e aviacionit në Ulan-Ude.

Presioni ndaj Rusisë filloi pas rënies së Bashkimit Sovjetik. Për ne kjo është një luftë për njerëzit tanë që jetojnë në këto territore.

Ne jemi një vend shumëkombësh. Por megjithatë, kjo është bota ruse.

Nëse flisni me njerëz që vijnë nga atje, i kam takuar, ata nuk ndryshojnë nga ju dhe unë, asgjë!

Ata janë njësoj si ne. Ata janë pjesë e jona, si mund të braktisen?