OSBE publikon raportin për zgjedhjet lokale të 30 qershorit: Mund të kontestohen

Përfaqësues të OSBE-së në Shqipëri kanë zhvilluar në intervalin treditor 19-21 mars një mision vëzhgues për zgjedhjet lokale të 30 qershorit. Nga konkluzionet të cilat kanë dalur në raportin e misionit të vlerësimit të situatës politike, të kornizës legjislative zgjedhore dhe të të gjitha hallkave të sistemit elektoral, vëzhguesit e OSBE-së janë shprehur se mosbesimi midis partive politike dhe politizimi i vazhdueshëm i institucioneve kontribuon në mungesën e besimit të vazhdueshëm në procesin zgjedhor.

Gjithashtu në raport thuhet se zgjedhjet mund te kontestohen . "Deri në 2 mars, numri i votuesve të regjistruar janë 3.5 milionë. Zgjedhjet mund të kontestohen nga kandidatë të nominuar nga partitë politike apo koalicionet ose grupe votuesish. Nominimi i kandidatëve po vijon dhe pritet të mbyllet më 13 maj. Asnjë nga interlokutorët e ODIHR nuk kanë shprehur shqetësim për regjistrimin e kandidatëve."

Raporti vëren dhe shqetësimet serioze: "Opozita ka refuzuar të emërojë kandidatët e saj në KQZ dhe KZAZ, duke sjellë çekuilibrim politik të tyre. Kjo ka ndikuar prej kohësh besueshmërinë e institucioneve të menaxhimit për shkak të perceptimit të politizimit të tyre, ndërkohë shumë vëzhgues të ODIHR-it kanë ngritur shqetësime serioze gjatë ditës së votimit, sidomos me numërimin e votave."

ODHIR raporton se do kërkojë nga shtetet pjesëmarrëse të OSBE-së dërgimi e 22 vëzhguesve afatgjatë dhe 250 vëzhguesve afatshkurtër, për të ndjekur procesin zgjedhor. 

"Përveç një ekipi bazë të ekspertëve, ODIHR do të kërkojë nga shtetet pjesëmarrëse të OSBE-së 22 vëzhgues afatgjatë për të ndjekur procesin zgjedhor në të gjithë vendin, si dhe 250 vëzhgues afatshkurtër për të vëzhguar procedurat e ditës së zgjedhjeve, përfshirë votimin, numërimin e vota dhe nxjerrjen e rezultateve. Na janë kërkuar vëzhgues të mjaftueshëm për të mbuluar të gjitha aspektet e procesit zgjedhor. Instituticionet shtetërore njoftuan se janë marrë të gjitha masat për të siguruar një proces zgjedhor transparent,"-thuhet në raport.

OSBE-ODHIR nuk hodhi poshtë mundësinë e ndryshimeve në legjislacion para zgjedhjeve.