U rikthyen në shkollë në Afganistan për herë të parë në më shumë se shtatë muaj që kur talebanët morën pushtetin në vend, por brenda pak orësh, ndërtesat e shkollave të mesme që po rihapeshin për vajzat e moshës 12-19 vjeç u mbyllën.
Talebanët urdhëruan mbylljen e shkollave të mesme për vajza, duke kundërshtuar atë që ishte krijuar më parë. Ndryshimi i papritur në politikën e autoriteteve është konfirmuar për France Presse nga zëdhënësi i talebanëve, Inamullah Samangani.
Një ekip nga France Presse po ndiqte rifillimin e mësimit në shkollën Zarghona në kryeqytetin Kabul, kur mësuesi hyri në shkollë dhe urdhëroi të gjithë që të shkonin në shtëpi.
Të dëshpëruar, nxënëset, të cilat po rifillonin mësimet për herë të parë që kur talebanët erdhën në pushtet në gushtin e kaluar, mblodhën gjërat e tyre dhe u larguan të përlotura.
Djemtë e të gjitha moshave mundën të kthehen në shkollë dy muaj pas fitores së talebanëve, por për vajzat ka rifilluar vetëm arsimi fillor.
Regjimi taleban tha se donte të merrte kohë për të siguruar që vajzat e moshës 12 deri në 19 vjeç të ndaheshin mirë nga djemtë dhe që shkollat të drejtoheshin sipas parimeve islamike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
