Partia Demokratike i ka dërguar një letër kryetarit të Kuvendit, Ilir Meta, të cilit i kërkon përjashtimin e Taulant Ballës nga drejtimi i Komisionit Hetimor për CEZ-in. Kjo kërkesë argumentohet me faktin se, sipas demokratëve, kreu i komisionit është në konflikt interesi me ish-kryeministrin Berisha, i cili është thirrur në komision në cilësinë e personit në dijeni të çështjes që po hetohet nga komisioni.
Sipas demokratëve, Balla është debitor ndaj djalit të Berishës në vlerën 1 milion lekë, me vendim të dy shkallëve të gjyqësorit për shpifje.
Deputetët demokratë e bënë këtë kërkesë edhe gjatë mbledhjes, por ajo u refuzua me shumicë votash.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
