Eventet publike në ambiente të hapura janë ndaluar në disa zona të Francës, pasi Evropa është përfshirë nga një valë të nxehti ekstrem.
Koncertet dhe tubimet e mëdha publike janë anuluar në zonën e Gironde përreth Bordeaux.
Të enjten, në disa zona të Francës temperatura arriti 40 gradë Celsius, si asnjëherë më parë gjatë vitit. Ndërkohë rekordi pritet të shënohet ditën e shtunë.
Shkencëtarët thonë se periudhat e nxehtësisë intensive po bëhen më të shpeshta dhe më të gjata si rezultat i ngrohjes globale.
Spanja, Italia dhe Britania e Madhe po përjetojnë gjithashtu temperatura të larta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
