Afro 580 persona nga dega e PD Korçë pritet t’i bashkohen protestës së thirrur sot nga opozita para Kryeministrisë. Veç anëtarëve dhe simpatizantëve të PD, në protestë do të ketë edhe dhjetëra qytetarë, raporton korrespondentja e MCN TV.
Kryetari i PD të Korçës Devis Osmani bëri të ditur se për organizimin e protestës janë angazhuar të gjitha strukturat e degës se PD në qytetin e Korçës dhe njësitë administrative të kësaj bashkie si dhe forumi i gruas dhe i të rinjve.
Protestuesit do të udhëtojnë drejt Tiranës me mjete private dhe do të nisen pas mesditës së kësaj të enjte.
Sipas kreut të PD lokale, ndryshe nga protestat e tjera, këtë herë udhëtimi nuk do të bëhet me autobusë por me mjete private, për shkak se shoqëritë e transporteve janë venë nën presion për penalitete deri në heqje liçence, nëse do të transportojnë protestues ditën e tubimit të thirrur nga PD.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
