Bota duket se po përballet me valën e dytë të koronavirusit, ku gjatë 24 orëve të fundit infektimet ditore janë rrtiur në nivelin e muajit maj.
Franca ka regjistruar një numër rekord të të infektuarve me Covid 19, 33 100 të tillë për 24 orë. Sipas Ministrisë së Shëndetësisë edhe numri i pacientëve që kanë nevojë për terapi intensive është rritur në 376.
Edhe Spanja po përballet me shifra të larta të të prekurve me virusin vdekjeprurës. Sipas autoriteteve vendase, orët e fundit janë regjistruar 2.987 raste pozitive, duke bërë që të rikthehen kufizimet me ndalimin e duhanpirjes në ambientet e jashtme, mbylljen e diskotekave si dhe me disa kufizime për baret.
Në rritje është edhe numri i të infektuarve në Itali. Gjatë 24 orëve të fundit kanë rezultuar 629 persona pozitiv, shifra më e lartë kjo që prej 23 majit.
Ndërkaq, në Mbretërinë e Bashkuar janë regjistruar 1012 raste të reja pozitive, dhe 3 viktima.
Situatë problematike vijon edhe në Iran me 2 245 raste të reja dhe 161 viktima, ndërsa në Marok janë regjistruar 1 776 raste në 24 orë.
Ndërkaq, në Shtetet e Bashkuara të Amerikës janë regjistruar rreth 48 mijë raste të reja dhe mbi një mijë viktima, sipas të dhënave të universitetit “Xhon Hopkins”.
Lajme shpresëdhënëse vijnë nga Rusia, e cila ka njoftuar zyrtarisht se ka prodhuar lotin e parë të vaksinës kundër koronavirusit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
