Një tubim simbolik humanitar në solideritet me Palestinën është mbajtur pasditen e sotme në sheshin “Skënderbej” në Tiranë. Tubimi u organizua nga një grup qytetarësh shqiptarë dhe të huaj, që janë pjesë e “grupimit Palestina e lirë”.
Tubimi u thirr “me rastin urgjent të sulmeve dhe situatës humanitare në Gaza, Palestinë, dhe si reagim ndaj ndalimeve të paligjshme dhe në shkelje të konventave ndërkombëtare të rreth 500 aktivistëve paqësorë të spedicionit humanitar të Global Sumud Flotilla, ku mes tyre është edhe një mjeke shqiptare”.
“Ky tubim synon të shprehë solidaritet, të kërkojë zotimin për paqen dhe lirinë e popullit palestinez, respektimin e të drejtave njerëzore ndërkombëtare”, shprehen organizatorët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
