Halima Aden, modelja myslimane e cila u bë e njohur për veshjen e hixhabit në pasarela dhe në fotosesione, ka goditur industrinë e modës.
Aden e cila u largua nga industria e modës në nëntor 2020, tha se se ndihej si një “pakicë brenda një pakice”.
Në një intervistë për “BBC World Service” me Tommy Hilfiger, Aden tha se në fund të karrierës së saj si model ndjeu se kishte humbur kontrollin e identitetit të saj.
"Dy vitet e fundit, unë i besova ekipit në skenë për të bërë hixhabin tim dhe kjo ishte kur u përplasa me probleme," thotë ajo, "si xhinse të vendosura në kokën time në vend të një shalli të rregullt.
Mënyra sesi më stiluan, unë isha aq larg nga imazhi im. Hixhabi im vazhdoi të zvogëlohej dhe bëhej gjithnjë e më e vogël në çdo dalje. ”
Në vitin 2016, Aden ishte modelja e parë myslimane e mbuluar plotësisht që konkurroi në konkursin “Miss Minnesota USA”. Ajo më vonë nënshkroi një kontratë me IMG Models .
"Kur fillova mendova: 'Kjo do të hap derën për kaq shumë vajza në komunitetin tim," "thotë ajo.
“Kurrë nuk kam arritur të shfletoj një revistë dhe të shoh dikë me hixhab, kështu që të jesh ai person për vajzat e tjera ishte një ëndërr e vërtetë. Por dy vitet e fundit [të karrierës sime], kam pasur kaq shumë konflikte të brendshme. "
Një klauzolë fillestare e kontratës së saj të modelimit ishte një garanci që ajo të mos ndryshonte. Por me kalimin e kohës kjo gjë shkaktoi probleme, thotë ajo.
Duke reaguar ndaj historive të modeleve të tjera që shfrytëzohen hapur, Aden thotë në intervistë se njerëzit në industri mendojnë se modelet janë “të lehta për t’u shfrytëzuar”.
Në vitin 2019, Aden bëri historinë duke u bërë modelja e parë që veshi një burkini, të dizajnuar nga Tommy Hilfiger, në revistën Sports Illustrated .
"Ishte një përvojë kaq e mahnitshme kur merr parasysh historinë e [burkini]", thotë ajo.
Aden thotë se duke lënë industrinë e modës ajo shpreson të ketë frymëzuar modele më të reja.
"Nëse kam bërë ndonjë gjë, u kam dhënë mundësinë modeleve të flasin," thotë ajo.
"Ndjeva presion të madh duke qenë modelja e parë myslimane me veshje hixhabi në industri dhe ndjeva një ndjenjë përgjegjësie ndaj vajzave që vijnë pas meje."
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
