Introvertët preferojnë zonat malore. E kundërta ndodh me ekstrovertët që duan zona më të hapura.
Njerëzit që jetojnë në shtetet malore të SHBA-së janë më introvertë se sa amerikanët e tyre në shtetet më të sheshta. Lidhja kurioze midis topografisë dhe personalitetit del në një artikull të botuar në Journal of Research in Personality, disa vite më parë.
Artikulli, i titulluar "Personaliteti dhe gjeografia: Introvertët preferojnë malet", përmban një grafik, që lidh ndryshimin e lartësisë me të dhënat e personalitetit në shkallë të gjerë nga të 50 shtetet dhe D.C.
Në funksion të studimit, të dhënat janë mbledhur për shtetet e Amerikës.
Alaska, deri tani shteti më malor, është ndër më introvertet – paraprirë vetëm nga Maryland dhe New Hampshire. Dakota e Veriut, shteti më ekstrovert i Amerikës, është gjithashtu një nga shtetet e saj më të sheshta. Nënkampionët e ekstroversionit, Wisconsin dhe D.C. janë gjithashtu pothuajse të sheshta.
Grafiku nuk shpjegon nëse njerëzit bëhen introvertë në një shtet malor, apo introvertët në shtetin e sheshtë kanë një tendencë për t'u drejtuar drejt pjesëve kodrinore të vendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
