Takimi në Bruksel, Rama: Hap drejt daljes nga kurthi i të djeshmes. Uroj që askush të mos e akuzojë Kurtin për tradhti

Kryeministri Edi Rama reagon lidhur me takimin e mbajtur të hënën në Bruksel mes Albin Kurtit dhe Aleksandr Vuçiç.

Ai thotë se paqja dhe bashkëpunimi janë kyçe për të ardhmen që u detyrohet fëmijëve në rajonin e shkatërruar prej shekujsh nga mungesa e paqes dhe bashkëpunimit.

Në vijim deklaron se e mirëpret pëlqimin e të dy palëve për Marrëveshjen për Rrugën e Normalizimit ndërmjet Kosovës dhe Serbisë.

Ky është një moment historik i rëndësishëm për paqen rajonale dhe inkurajoj fuqishëm të gjitha palët e përfshira që të vazhdojnë të punojnë për një zbatim të shpejtë

. Për paqen dhe bashkëpunimin Shqipëria është dhe do të mbetet një besimtar i vendosur dhe një model.

Ne mbështesim plotësisht çdo përpjekje për të kapërcyer të kaluarën.

Uroj që askush të mos e akuzojë Albin Kurtin për tradhti apo harresë, por gjithkush të kuptojë se kryeministri i sotëm i Kosovës ka bërë gjënë e duhur, duke u hedhur një hap të parë me shumë rëndësi drejt daljes nga kurthi i të djeshmes.

Hapa të tjerë pasofshin pa humbur kohë!