Erdogan pritet në Kryeministri nga Edi Rama (VIDEO)

Presidenti turk Rexhep Taip Erdogan është pritur rreth orës 12:20 në Kryeministri nga kreu i qeverisë Edi Rama.

Axhenda do të vijojë me mbledhjen e Këshillit të Bashkëpunimit të Nivelit të Lartë mes delegacioneve të dy vendeve në orën 13:15.

Dy liderët, Rama dhe Erdogan, do të mbajnë edhe një konferencë të përbashkët për mediat.

(11:30) Erdogan në Presidencë, takim me kreun e shtetit Begaj

Presidenti i Turqisë, Rexhep Taip Erdogan ka mbërritur rreth orës 11:00 në Tiranë, i shoqëruar nga bashkëshortja e tij, Emine Erdogan.

Ai është pritur në Aeroportin e Rinasit nga zv.kryeministrja Belinda Balluku dhe ministri i Jashtëm Igli Hasani.

Mandej Erdogan i është drejtuar Presidencës, ku është është mbajtur një ceremoni shtetërore dhe është pritur nga kreu i shtetit Bajram Begaj.

Momentalisht Erdogan dhe Begaj po mbajnë një takim të shkurtër kokë më kokë.

Pjesë e rëndësishme e axhendës së Presidentit turk në Tiranë është edhe përurimi i Xhamisë së Namazgjasë.