Kryetari i Komisionit të Sigurisë Kombëtare, Spartak Braho, hedh dyshime se SHISH-I përgjon në mënyrë të jashtëligjshme krerët e disa institucioneve në Shqipëri. Gjatë konferencës me temë
“Institucionet Parlamentare dhe të pavaruara”, Braho tha se duhen bërë ndryshime në ligj lidhur me raportimin e Agjencive Inteligjente, pasi sipas tij SHISH, prej më shumë se dy vitesh refuzon çdo kontroll dhe llogaridhënie.
Ndërsa kryeparlamentari Meta u shpreh se vendi ka nevojë për forcimin e instrumenteve të monitorimit të institucioneve.
“Në mënyrë që zbatimi i rekomandimit të tyre sot dhe nesër të mos mbetet peng as i vullnetit të mirë, as i vendimmarrjes individuale, por të ketë një zgjidhje të garantuar institucionale. Kjo është lidhur në mënyrë direkte me forcimin e vet institucioneve, pavarësinë e tyre dhe garantimin e standardeve të funksionimit të tyre sipas përvojës më të mirë evropiane”, tha Meta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
