Të dhënat e siguruara nga TvT tregojnë se në harkun e një muaji shumë subjekte kanë bërë largime masive nga puna.
Bizneset që kanë bërë më së shumti pushime nga puna janë kryesisht fasoneritë, sektori i turizmit dhe call center-at.
Shifrat e fundit të largimeve nga puna janë vetëm një konfirmim i denoncimeve të bëra për hedhjen në rrugë të mijëra familjarëve që siguronin një pagë mujore në sektorin privat.
Veç largimeve nga puna, shumë biznese kanë reduktuar pagat për punonjësit.
Pak ditë më parë, Behar Male një prej operatorëve më të mëdhenj në fushën hotelerisë, konfirmoi reduktimin me 30 për qind të pagave për stafin për një periudhë 6-mujore.
Shifra të larta edhe për punonjësit që u është refuzuar paga e luftës.
Aplikimet e miratuara për bizneset janë vetëm 26 mijë nga 62 mijë, ndërsa paga të miratuara për punonjësit janë rreth 46 mijë nga 114 mijë punonjës.
12 mars – 15 prill
54 917 të larguar nga puna
46 355 paga të refuzuara
24 944 biznese të refuzuara
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
