Kur duhen edhe dy javë nga përfundimi i Kategorisë së Parë, Skënderbeu dhe Dinamo kanë siguruar matematikisht ngjitjen në Superiore për sezonin e ardhshëm.
Korçarët triumfuan pastër 4-0 ndaj Turbinës në transfertë dhe shkojnë në kuotën e 48 pikëve në vendin e parë. Dinamo u mposht nga Lushnja, por mbetet në vendin e dytë me 44 pikë, pasi përfiton nga humbja e Flamurtarit.
Vlonjatët u mundën nga Tomori minimalisht dhe matematikisht mbeten jashtë luftës për dy vendet e para, pasi Dinamo i ka 3 pikë të sigurta për ndeshjen e radhës, që ishte planifikuar ndaj Tërbunit, të përjashtuar nga kampionati. Kuqezinjtë do të provojnë Superioren nëpërmjet “play off”-it.
Sa i përket ndeshjeve të tjera për javën e 24-t, Apolonia mposhti 3-1 Besëlidhjen, Oriku triumfoi minimalisht ndaj Besës, ndërsa Korabi u ndal në barazim pa gola nga Burreli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
