Avionë luftarakë dhe helikopterë janë dëgjuar të fluturojnë rreth zonave përreth Gazës herët të martën, pas një nate tjetër luftimesh intensive.
Gjatë natës, Forcat e Mbrojtjes të Izraelit (IDF) bombarduan enklavën me predha artilerie, mortaja dhe sulme ajrore.
Videot e publikuara nga IDF të martën në mëngjes tregojnë ushtarë izraelitë në terren në Gaza, duke përparuar në këmbë dhe me tanke nëpër zonat rurale, si dhe në atë që duket të jetë një zonë urbane e dëmtuar ndjeshëm nga lufta.
Pavarësisht operacionit tokësor të intensifikuar të IDF, Hamasi ka vazhduar të lëshojë raketa nga Gaza. Gazetarët e CNN dëgjuan alarme që tregonin zjarr në një numër zonash rreth perimetrit të Gazës gjatë natës dhe të martën herët.
IDF tha të martën se forcat e saj kanë goditur "afërsisht 300 objektiva", duke përfshirë komplekset ushtarake brenda tuneleve nëntokësore që i përkasin Hamasit gjatë ditës së kaluar.
Gjatë operacioneve tokësore, ushtarët e IDF "kishin disa angazhime me celulat terroriste që gjuanin raketa kundër tankeve dhe mitraloz drejt tyre.
Ushtarët vranë terroristët dhe drejtuan forcat ajrore në sulme në kohë reale ndaj objektivave dhe infrastrukturës terroriste," tha ai.
Operacionet e zgjeruara tokësore të Izraelit ditët e fundit kanë vrarë "terroristë të shumtë të Hamasit" dhe qindra objektiva ushtarakë janë goditur, tha IDF.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
