Sekretarja e Jashtme e Britanisë së Madhe, Liz Truss thotë se ka prova shumë, shumë të forta se presidenti rus Vladimir Putin është një "kriminel lufte".
Presidenti i SHBA Joe Biden e cilësoi po ashtu liderin rus si të tillë, qëndrime të cilat me gjasa do të përshkallëzojë edhe më tej tensionet diplomatike.
Sekretarja Truss deklaron:
Ka prova shumë, shumë të forta se krimet e luftës janë kryer dhe se Vladimir Putin qëndron pas tyre. Përfundimisht është një çështje e Gjykatës Ndërkombëtare Penale të vendosë se kush është dhe kush nuk është kriminel lufte dhe që ne të sjellim provat. Ajo që po bëjmë është gjëja më e mirë e momentit.
Sekretarja e Jashtme e Britanisë së Madhe thotë se vendi i saj po mbledh provat në terren për t'u siguruar që Vladimir Putin të mbahet përgjegjës për këto krime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
