Një tërmet me magnitudë 4.4 të shkallës rihter tronditi zonën e Ragusas, në Siçili. Sipas Institutit Kombëtar italian të Gjeofizikës dhe Vullkanologjisë, epiqendra është lokalizuar në det, 15 kilometra në jug të Acate, me thellësi 30 kilometra.
Tërmeti u ndje nga banorët e zonës, të cilët menjëherë kanë dalë në rrugë dhe sheshe. “Ishte një tronditje shumë e fortë dhe e gjatë”, kanë thënë banorët. Sipas mediave italiane, në zonë nuk janë raportuar dëme material apo për persona të dëmtuar.
Tërmeti u ndje fortë në Sirakuzë, Catania dhe midis Licata (Agrigento) dhe Gelas (Caltanissetta), por edhe në Palermo. Zjarrfikësit informuan se nuk kishte asnjë telefonatë ankthi ose ndonjë dëm të raportuar. Edhe nga kontrollet e kryera nga Departamenti i Mbrojtjes Civile, nuk u gjet asnjë dëmtim ose të lënduar pas tronditjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
