Organizata Botërore e Shëndetit ka publikuar të dhëna të reja mbi pandeminë Covid-19, mbi të cilat ngre alarmin e përhapjes sidomos te fëmijët.
OBSH paralajmëron se numri i rasteve është rritur shtatëfish te fëmijët dhe bebet dhe gjashtëfish te të rinjtë, që nga 24 shkurti i kaluar.
"Kjo prirje mund të shpjegohet, ndër të tjera, me faktorët e mëposhtëm: diagnoza e hershme dhe testimi fillimisht u përqëndruan në identifikimin e rasteve me simptoma të rënda, të cilat shihen më shpesh tek të moshuarit; zbulimi i rasteve më të lehta; më shumë testime; epiqendrat e shpërthimeve që lëvizin në vendet me moshë mesatare më të re; ose një rritje e sjelljeve që shtojnë rrezikun e infeksionit pas lehtësimit të masave të disatncimit social", thotë OBSH.
Aktualisht, infektimi nga Covid-19 është i shpërndarë në këtë mënyrë sipas fashave të ndryshme të moshës: 64% e infeksioneve prekin moshat 25-64 vjeç, 19.4% janë njerëz të moshës midis 65 dhe 84 vjeç, vetëm 3.4% ata që janë mbi 84 vjeç, 1.2% fëmijë deri në 4 vjeç, 2.5% midis 5 dhe 14 vjeç dhe 9.5% midis 15 dhe 24 vjeç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
