Irani fton teknikët e Boeing të marrin pjesë në hetimin mbi aeroplanin ukrainas që u rrëzua në Teheran mëngjesin e së mërkurës, ngjarje që sipas inteligjencës nga disa vende perëndimore ndodhi për shkak të goditjes gabimisht nga një raketë iraniane. Zëdhënësi i qeverisë së Teheranit, Ali Rabiei, bëri të ditur kërkesën e Iranit drejtuar kompanisë “Boeing”. Republika Islamike e ka mohuar dërgimin e kutive të zeza në “Boeing” dhe SHBA.
"Një gjë është e sigurt: ky aeroplan nuk u godit nga një raketë", tha presidenti i Organizatës së Aviacionit Civil Iranian, Ali Abedzadeh, në një konferencë për shtyp duke mohuar pretendimet sipas të cilave avioni u rrëzua gabimisht nga një raketë iraniane.
Një video e publikuar nga New York Times tregoi momentin kur “Boeingu 737” ukrainas u godit nga një raketë disa minuta pasi u ngrit nga aeroporti i Teheranit. Imazhet tregojnë se si raketa goditi aeroplanin pa shkaktuar një shpërthim të menjëhershëm të avionit, i cili vazhdoi të fluturonte për disa minuta më shumë, duke u përpjekur të kthehej në kryeqytetin iranian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
