Transgjinorja Myrto: Ne s’njihemi ende ligjërisht. Politika i ka harruar komunitetet e margjinalizuara

Transgjinorja Luana Myrto tha në emisionin “Scrolling” se politika shqiptare i ka harruar komunitetet e margjinalizuara.

Myrto tha personat transgjinorë ende nuk njihen ende ligjërisht në Shqipëri, duke shtuar se në pasaportë ajo ka një identitet gjinor si mashkull. 

Myrto tha se personalisht e ka arritur paqen mentale dhe nuk mendon se identiteti i saj mund të zhvillohet më në të ardhmen. 

Nuk mendoj që identiteti im mund të zhvillohet akoma sepse e kam arritur paqen mentale. Çdokush bën ndryshime në trup, një mashkull bën muskuj, gratë bëjnë botoks, dhe nuk ka përse të shikohet si ‘wow’ te një transgjinor. E kam parë të pashëndetshme të bëj terapi hormonale. Kam bërë operacion plastik. Përderisa s’kemi këto specialistë në Shqipëri kam preferuar të mos hyjë në këtë procesin e terapisë”.

Ajo shtoi se:

Ne kemi një parti të majtë që është në qeveri dhe i ngjan një makinë me timon anglez, ku e majta shfaqet si e djathtë, dhe e djathta shfaqet si e majtë. Sepse politikat e të majtës mbështesin oligarkët, që supozohet se duhet të bëjnë demokratët”.