Kriza në Gjeorgji mund të intensifikohet këtë të shtunë, më 14 dhjetor me zgjedhjen për president të ish-futbollistit të ekstremit të djathtë Mikheïl Kavelashvili, një figurë besnike ndaj qeverisë e cila po përballet prej javësh me një valë protestash.
Është paralajmëruar një tubim para Parlamentit, ku një kolegj zgjedhor i kontrolluar nga partia në pushtet do të propozojë Kavelashvili-n.
Mikheïl Kavelashvili, i njohur për shprehjet e tij kundër kritikëve të pushtetit, është zyrtarisht kandidati i vetëm sepse opozita refuzoi të ulej në Parlament, pas zgjedhjeve të tetorit dhe nuk propozoi askënd për këtë funksion.
Në moshën 53-vjeçare, Mikheïl Kavelashvili akuzohet nga protestuesit se është një kukull e miliarderit Bidzina Ivanishvili, i cili bëri pasurinë e tij në Rusi, themeloi partinë Ëndrra Gjeorgjiane dhe e ka drejtuar Gjeorgjinë nga prapaskenat që nga viti 2012.
Ish-republika sovjetike ka kaluar nëpër një periudhë trazirash që kur partia në pushtet shpalli fitoren në zgjedhjet parlamentare më 26 tetor dhe qeveria vendosi muajin e kaluar t'i lërë negociatat e anëtarësimit në pritje deri në vitin 2028 në BE.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
