Dhjetëra mijëra protestues janë mbledhur në rrugët e Tel Avivit dhe qyteteve të tjera izraelite kundër reformës në drejtësi që kërkon të ndërmarrë qeveria e Benjamin Netanjahut. E shtuna shënoi javën e 28-të që qytetarët dalin në sheshet e qyteteve të tyre. Këtë javë qeveria miratoi një projektligj për të çuar më tej reformën. Sipas opozitës dhe shumë protestuesve, drejtësia po rrezikon të bjerë në duart e kryeministrit, ndaj kjo do të sjellë trazira të mëdha në vend. Sipas juristëve izraelitë, reforma do t’i jepte qeverisë fuqi më të madhe në emërimin e gjyqtarëve. Duhen dy vota në parlamentin izraelit, në mbledhjen e fundit të korrikut, që projektligji të kalojë dhe të hyjë në fuqi. Organizatorët e protestave thanë për mediet vendase se përçarja do të jetë shumë e madhe nëse do të kalojë kjo reformë. Kundërshtim ndaj reformës kanë pasur edhe nga aleatët ndërkombëtarë perëndimorë të Izraelit. Më herët, kryeministri Benjamin Netanyahu u shtrua në spital për shkak të dehidratimit. 73-vjeçari kërkoi mjekim pasi kishte marrje mendsh dhe kishte kaluar një ditë të tërë në diellin përcëllues të korrikut pa pirë ujë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
